"ഇനിയൊരു ജന്മമുണ്ടെങ്കിൽ അദ്ധ്യാപകനായിത്തീരാനാണ് എൻ്റെ ആഗ്രഹം "- ഡോ.എൻ ജയരാജ് എംഎൽഎ

കാഞ്ഞിരപ്പള്ളി∙ ഇനിയൊരു ജന്മമുണ്ടെങ്കിൽ അന്നും അദ്ധ്യാപകനായിത്തീരാനാണ് എൻ്റെ ആഗ്രഹം  എന്ന് ഡോ: എൻ ജയരാജ് എംഎൽഎ . കാഞ്ഞിരപ്പള്ളി വിദ്യാഭ്യാസ ഉപജില്ല ഹെഡ് മാസ്റ്റേഴ്സ് ഫോറം  സംഘടിപ്പിച്ച യാത്രയയപ്പ് സമ്മേളനം ഉദ്ഘാടനം ചെയ്ത്  സംസാരിക്കുകയായിരുന്നു അദ്ദേഹം. 2020 മാർച്ചിൽ റിട്ടയർ ചെയ്ത 16 ഹെഡ്മാസ്റ്ററന്മാർക്കും , 2021-ൽ റിട്ടയർ ചെയ്യുന്ന 12 ഹെഡ്മാസ്റ്ററന്മാർക്കും എഇഒ എം സി ഓമനക്കുട്ടനുമാണ് യാത്രയയപ്പ് നൽകിയത്.

കോവിഡ് ലോക് ഡൗൺ മൂലം കഴിഞ്ഞ വർഷം യാത്രയയപ്പ് നൽകാതിരുന്നവരെ ഈ വർഷം ഉൾപ്പെടുത്തുവാൻ തീരുമാനിച്ച ഹെഡ്മാസ്റ്റേഴ്സ് ഫോറത്തിനെ എംഎൽഎ പ്രത്യേകം അഭിനന്ദിച്ചു.  വിരമിച്ചവർക്കുള്ള ഉപഹാര വിതരണവും അദ്ദേഹം നിർവഹിച്ചു. എം സി ഓമനക്കുട്ടൻ, പ്രഥമ അദ്ധ്യാപകരായ സുനിൽ ജോർജ്, ജോയ് എബ്രാഹം, പീജെ സുധർമ്മ, ആൻസി ജോസഫ്, മിനി.ജി. എന്നിവരെ കൂടാതെ വിരമിക്കുന്ന പ്രഥമ അധ്യാപകരും സംസാരിച്ചു.