ചാർട്ടേഡ് ശാസ്ത്രജ്ഞൻ പുരസ്കാരത്തിന് അർഹനായി മലയാളി എഞ്ചിനീയർ
Mail This Article
സയൻസ് കൗൺസിൽ യുകെയിൽ നിന്ന് ചാർട്ടേർഡ് ശാസ്ത്രജ്ഞൻ പുരസ്കാരത്തിന് അർഹനായി ഷിനു യോഹന്നാൻ. ശാസ്ത്രസാങ്കേതിക മേഖലയിൽ ഉള്ള ഗവേഷണ മികവിന്റെയും, പ്രവർത്തി പരിചയത്തിന്റയും അടിസ്ഥാനത്തിലാണ് സയൻസ് കൗൺസിലും, ഇൻസ്റ്റിട്യൂട്ട് ഓഫ് സയൻസ് ആൻഡ് ടെക്നോളജിയും ഈ അംഗീകാരം നൽകിയത്. ചാർട്ടേഡ് എഞ്ചിനീയർ, ഇന്റർനാഷണൽ പ്രൊഫെഷണൽ എഞ്ചിനീയർ തുടങ്ങിയ അംഗീകാരങ്ങൾ എഞ്ചിനീയറിങ് കൗൺസിലിൽ നിന്നും ലഭിച്ചിട്ടുണ്ട്.
ടർബോ പവർ സിസ്റ്റം, യുകെയിൽ ഗവേഷണ വികസന വകുപ്പിൽ പ്രിൻസിപ്പൽ എഞ്ചിനീയർ ആയി ജോലി ചെയ്തുകൊണ്ടിരിക്കുന്നു. മഹാത്മാ ഗാന്ധി സർവകലാശാലയിൽ നിന്ന് ഇലക്ട്രോണിക്സ് എഞ്ചിനീയറിങ്ങിൽ ബിരുദവും (ബി. ടെക്), കേരള സർവകലാശാലയിൽ നിന്ന് ബിരുദാനന്തര ബിരുദവും (എം.ടെക് ) നേടിയിട്ടുണ്ട്. കോന്നി നെടുങ്ങോട്ട് വില്ലയിൽ യോഹന്നാന്റെയും മോനി യോഹന്നാന്റെയും മകനാണ്. ഭാര്യ: ഒഴുമണ്ണിൽ സ്നേഹ.