മിഠായിത്തെരുവ് സാഹിത്യ കൂട്ടായ്മയുടെ മൂന്നാം വാർഷികം

കോഴിക്കോട്∙ മിഠായിത്തെരുവ് സാഹിത്യ കൂട്ടായ്മയുടെ മൂന്നാം വാർഷികം കോഴിക്കോട് ബീച്ചിൽ വെച്ച് ശനിയാഴ്ച വൈകീട്ട് നടന്നു. എഴുത്തുകാരിയുംസാമൂഹ്യ പ്രവർത്തകയുമായ റുക്സാന കക്കോടി സ്വാഗതം ആശംസിച്ച ചടങ്ങിൽ കാർട്ടൂണിസ്റ്റും കവിയുമായ കരുണാകരൻ പേരാമ്പ്ര ആധ്യക്ഷം നിർവഹിച്ചു. സാഹിത്യ സാംസ്കാരിക പരിസ്ഥിതി പ്രവർത്തകനായ വത്സൻ നെല്ലിക്കോടിനെ  സംഘടനയ്ക്കു വേണ്ടി മൊഴി ഓൺലൈൻ പ്രസാധകനായ പ്രിയവർധൻ ആദരിച്ചു. വത്സൻ നെല്ലിക്കോട് റുക്സാന കക്കോടിയുടെ " ഒരു കോയിക്കോടൻ കിസ്സ " പ്രകാശനം ചെയ്തു.

ബക്കർ കല്ലോട് കവിതകളെയും , കവികളെയും കുറിച്ചു പ്രിയവർദ്ധൻ "സാഹിത്യത്തിൽ ഇന്ന് " എന്ന വിഷയത്തെ കുറിച്ചും പ്രഭാഷണം നിർവഹിച്ചു.  കബീർ സലാല "മിഠായിത്തെരുവിന്റെ "മാഹാത്മ്യത്തെ കുറിച്ച് സംസാരിച്ചു.  കവികളായ രഷ്മനിഷാദ്, ആരിഫ അബ്ദുൾ ഗഫൂർ ,ബിന്ദു ശിവാനന്ദ്, ഗിരിജ കെ നായർ, പത്മ റഹീം, സുനില സി  ജോസ്, തുടങ്ങിയവർ കവിത ആലപിച്ചു. അഷ്റഫ് വാണിമേൽ മത്സര വിജയിക്ക് സമ്മാനം നൽകി ആദരിച്ചു. രഷ്മനിഷാദ് നന്ദി പറഞ്ഞു.