തെരുവോരത്ത് ഉറങ്ങിയ അമ്മയ്ക്കും മകൾക്കും പീഡനം

ന്യൂഡൽഹി∙ നോർത്ത് വെസ്റ്റ് ഡൽഹിയിലെ വസിർപുരിൽ തെരുവോരത്ത് കിടന്നുറങ്ങിയ അമ്മയെയും 18 വയസ്സുകാരിയായ മകളെയും പീഡിപ്പിച്ച കേസിൽ 3 പേർ അറസ്റ്റിൽ. സോനു (22), അമിത് (24), റിതിക് (18) എന്നിവരാണു പിടിയിലായത്. കഴി‍ഞ്ഞ ദിവസം രാത്രി ജെജെ കോളനിയിലെ റോഡരികിൽ കിടന്നുറങ്ങുകയായിരുന്ന 35 വയസ്സുകാരിയെയും മകളെയും ഭീഷണിപ്പെടുത്തി പീഡിപ്പിച്ചെന്നാണു പരാതി. സംഭവത്തിന്റെ ദൃശ്യങ്ങൾ പകർത്തി സമൂഹ മാധ്യമങ്ങളിൽ പ്രചരിപ്പിക്കുകയും ചെയ്തു. തുടർന്ന് പൊലീസ് നടത്തിയ അന്വേണത്തിലാണു മൂന്നുപേരും അറസ്റ്റിലായത്. ആക്രി സാധനങ്ങൾ വിറ്റു ജീവിക്കുന്നവരാണ് അമ്മയും മകളും.