പെൺകുട്ടിയെ രണ്ടാനച്ഛൻ പീഡിപ്പിച്ചെന്ന് പരാതി

ന്യൂഡൽഹി ∙ പ്രായപൂർത്തിയാകാത്ത പെൺകുട്ടിയെ രണ്ടാനച്ഛൻ പീഡിപ്പിച്ചു. മാളവ്യ നഗർ പൊലീസ് സ്റ്റേഷനിൽ ശനിയാഴ്ച ലഭിച്ച പരാതിയുടെ അടിസ്ഥാനത്തിൽ കേസ് റജിസ്റ്റർ ചെയ്തു. ഡെറാഡൂൺ സ്വദേശിനിയായ പെൺകുട്ടി അമ്മയുടെ ഒപ്പം നിൽക്കാൻ ജൂൺ മാസത്തിലാണു ഡൽഹിയിലെ വീട്ടിലെത്തിയത്.  ജൂൺ മുതൽ ഓഗസ്റ്റ് വരെയുള്ള സമയത്തെ താമസത്തിനിടെ ഒന്നിലേറെ തവണ പീഡിപ്പിച്ചുവെന്നാണു പരാതി. വിശദമായ അന്വേഷണം ആരംഭിച്ചുവെന്നും രണ്ടാനച്ഛൻ കണ്ടെത്താൻ നടപടിയാരംഭിച്ചുവെന്നും പൊലീസ് പറഞ്ഞു.