വായു മലിനീകരണത്തിനെതിരെ ബോധമുണ്ടാക്കാൻ 13.06 കോടി

ന്യൂഡൽഹി∙ വായു മലിനീകരണം കുറയ്ക്കുന്നതിനുള്ള ‘റെഡ് ലൈറ്റ് ഓൺ, ഗാഡി ഓഫ്’ പദ്ധതി സംബന്ധിച്ചുള്ള പരസ്യങ്ങൾക്ക് ഡൽഹി സർക്കാർ ചെലവഴിച്ചത് 10.46 കോടി രൂപ. പൊതുപ്രവർത്തകനായ അമിത് ഗുപ്തയ്ക്ക് വിവരാവകാശ നിയമപ്രകാരം സർക്കാരിൽ നിന്നു ലഭിച്ച മറുപടിയിലാണ് ഇക്കാര്യം വ്യക്തമാക്കിയത്. 2021-22 കാലയളവിൽ വായു മലിനീകരണത്തിനെതിരായ ബോധവൽക്കരണ പരസ്യങ്ങൾക്ക് ഇതുവരെ 13.06 കോടി രൂപ ചെലവഴിച്ചതായും മറുപടിയിൽ പറയുന്നു.സിഗ്നലുകളിൽ ചുവപ്പു തെളിയുമ്പോൾ വാഹനം നിർത്തിയിടാൻ ഡ്രൈവർമാരെ പ്രോത്സാഹിപ്പിക്കാൻ ലക്ഷ്യമിട്ടാണ് പദ്ധതി .