അഭിഭാഷകരുടെ സുരക്ഷ: കരട് ബില്ലിൽ വിദഗ്ധ ചർച്ച വേണം: കോടതി
Mail This Article
×
ന്യൂഡൽഹി ∙ അഭിഭാഷകരുടെ സുരക്ഷ ഉറപ്പാക്കാനുള്ള കരട് ബിൽ, വിദഗ്ധരുമായി ചർച്ച ചെയ്യണമെന്നു സംസ്ഥാന സർക്കാരിനു ഹൈക്കോടതി നിർദേശം. ജില്ലാ കോടതികളിലെ ബാർ അസോസിയേഷനുകളുടെ കോ–ഓർഡിനേഷൻ കമ്മിറ്റിയുടെ നേതൃത്വത്തിൽ കരട് തയാറാക്കിയതായി അധികൃതർ ഹൈക്കോടതിയെ അറിയിച്ചിരുന്നു.
ഡൽഹി സർക്കാർ ഇതു പരിശോധിക്കട്ടെയെന്ന് ഹർജി പരിഗണിച്ച ജസ്റ്റിസ് പ്രതിഭാ എം. സിങ് പറഞ്ഞു. തുടർന്ന് വിദഗ്ധരുമായി കൂടിയാലോചന നടത്തി റിപ്പോർട്ട് സമർപ്പിക്കട്ടെയെന്നും ജഡ്ജി പറഞ്ഞു. അഭിഭാഷകരായ ദീപ ജോസഫ്, ആൽഫ ഫിരിസ് ദയാൽ എന്നിവർ നൽകിയ ഹർജിയിലാണു കോടതിയുടെ നടപടി. ഏപ്രിലിൽ അഭിഭാഷകൻ വെടിയേറ്റു മരിച്ചതിനു പിന്നാലെയാണു അഭിഭാഷകരുടെ സുരക്ഷ ഉറപ്പാക്കാൻ നടപടി സ്വീകരിക്കണമെന്ന ആവശ്യവുമായി ഹർജി നൽകിയത്. വിഷയം സെപ്റ്റംബർ 6നു വീണ്ടും പരിഗണിക്കും.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
