ന്യൂഡൽഹി∙ ശമ്പള കുടിശിക നൽകണമെന്ന് ആവശ്യപ്പെട്ട് ബസ് മാർഷൽമാർ മുഖ്യമന്ത്രി അരവിന്ദ് കേജ‍്‍രിവാളിന്റെ വസതിക്കു മുന്നിലും സെക്രട്ടേറിയറ്റിനു സമീപവും പ്രതിഷേധിച്ചു. ഡിടിസി ബസുകളിലും ക്ലസ്റ്റർ ബസുകളിലും ജോലി ചെയ്യുന്ന നൂറുകണക്കിനു മാർഷൽമാർ പ്രതിഷേധത്തിൽ പങ്കെടുത്തു. യാത്രക്കാരുടെ സുരക്ഷ ഉറപ്പാക്കാൻ ബസുകളിൽ നിയോഗിച്ചിട്ടുള്ളവരാണ് ബസ് മാർഷൽമാർ. കഴിഞ്ഞ 4 മാസമായി ശമ്പളം ലഭിക്കുന്നില്ലെന്നാണ് ഇവരുടെ പരാതി.