ആദായനികുതി ഓഫിസിൽ തീപിടിത്തം; ഒരാൾ മരിച്ചു

ന്യൂഡൽഹി ∙ ഐടിഒയിൽ ആദായനികുതി വകുപ്പ് ഓഫിസ് കെട്ടിടത്തിലെ തീപിടിത്തത്തിൽ പൊള്ളലേറ്റ ജീവനക്കാരൻ മരിച്ചു. കെട്ടിടത്തിലുണ്ടായിരുന്ന 7 ജീവനക്കാരെ അഗ്നിരക്ഷാ വിഭാഗവും പൊലീസും ചേർന്നു പുറത്തെത്തിച്ചിരുന്നു. അതിനിടെ ബോധരഹിതനായ ഓഫിസ് സൂപ്രണ്ടിനെ ആശുപത്രിയിലെത്തിച്ചെങ്കിലും മരിച്ചു. തീയും പുകയും പടർന്നതോടെ കെട്ടിടത്തിന്റെ ജനലിലൂടെയാണു ജീവനക്കാരെ പുറത്തെത്തിച്ചത്. അപകടകാരണം ഷോർട്ട് സർക്യൂട്ടാണെന്നാണു പൊലീസിന്റെ പ്രാഥമിക നിഗമനം.