ADVERTISEMENT

പാലക്കാട് ∙ ജില്ലാ ആശുപത്രിയിലെ കോവിഡ് ഐസലേഷൻ വാർഡിൽ പ്രവേശിപ്പിച്ചിരുന്ന ഗോവ സ്വദേശിയായ വനിത, വാ‍ർഡിൽ നിന്ന് ഇറങ്ങിയോടി. കെഎസ്ആർടിസി റോഡ് വരെ എത്തിയ ഇവർക്ക് തൊട്ടുപിന്നാലെ ആശുപത്രി ജീവനക്കാരും പൊലീസും ഉണ്ടായിരുന്നു. അൽപ സമയത്തിനകം കൂടുതൽ പൊലീസ് എത്തി. ഐസലേഷൻ വാർഡിൽ ഉള്ള വനിതയായതിനാൽ ഒന്നും ചെയ്യാനാകാത്ത സാഹചര്യമായിരുന്നു. 

തുടർന്നു സുരക്ഷാകിറ്റ് ധരിച്ചെത്തിയ ആശുപത്രി ജീവനക്കാർ നേരിയ ബലപ്രയോഗത്തിലൂടെ ഇവരെ വാർഡിൽ തിരികെ എത്തിച്ചു. കോവിഡ് പരിശോധനയ്ക്കുള്ള സാംപിൾ ശേഖരിക്കാനും ഇവർ വിസമ്മതിക്കുകയാണ്. ഗോവയിൽ നിന്നെത്തിയ ഇവരുടെ കൂടുതൽ വിശദാംശങ്ങൾ ലഭ്യമല്ല. ഇവർ എങ്ങനെ പാലക്കാട്ടെത്തി എന്നതിലും വ്യക്തക്കുറവുണ്ട്. കർണാടകയിലേക്കു പോകും വഴി പാലക്കാട് ഇറങ്ങിയതാണെന്നും പാലക്കാട്ടെത്തിയാൽ ചെന്നൈയിലേക്ക് എളുപ്പം പോകാമെന്ന് ആരോ പറഞ്ഞതുകൊണ്ടാണ് ഇവിടെ എത്തിയതെന്നും മാറി മാറി പറയുന്നു. 

 

 

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com