കുട്ടികൾക്കൊപ്പം എരണ്ട വിരുന്നെത്തി

വണ്ടിത്താവളം ∙ ഏഴു കുഞ്ഞുങ്ങളുമായി എരണ്ട എത്തിയതു നാട്ടുകാർക്കു കൗതുകക്കാഴ്ചയായി. അയ്യപ്പൻകാവ് മനോജിന്റെ വീട്ടുമുറ്റത്താണ് ഏഴു കുഞ്ഞുങ്ങളുമായി എരണ്ടപ്പക്ഷിയെത്തിയത്. കറുപ്പിൽ വെള്ളയാണു നിറം. എരണ്ടകളെ കൂട്ടിലാക്കി മനോജ് വനപാലകരെ അറിയിച്ചു. വനപാലകരെത്തി എരണ്ടകളെ ഏറ്റെടുത്തു. വെള്ളത്തിലും കരയിലുമായി കാണുന്ന ഈ പക്ഷിയെ സാധാരണ കുട്ടനാടൻ പാടശേഖരങ്ങളിലും ഉൾനാടൻ ജലാശയങ്ങളിലുമാണ് കൂടുതൽ കാണാറുള്ളത്.