കാട്ടുപന്നിയുടെ ആക്രമണത്തിൽ വീട്ടമ്മയ്ക്കു പരുക്ക്

മണ്ണാർക്കാട്∙ ജനവാസ കേന്ദ്രത്തിലിറങ്ങിയ കാട്ടുപന്നിയുടെ ആക്രമണത്തിൽ വീട്ടമ്മയ്ക്കു പരുക്കേറ്റു. കോട്ടോപ്പാടം വേങ്ങ ആലായിൻ അബ്ദുവിന്റെ ഭാര്യ സഫിയക്കാണ് (56) പരുക്കേറ്റത്. ചൊവ്വാഴ്ച രാവിലെ 11 മണിയോടെയാണ് സംഭവം. വേങ്ങ എഎൽപി സ്കൂൾ പരിസരത്തെ വീടിനു പുറത്ത് അലക്കിക്കൊണ്ടിരിക്കുന്നതിനിടെയാണ് പന്നിയുടെ ആക്രമണം ഉണ്ടായത്. രണ്ട് കൈകളുടെ എല്ലുകൾക്കും പൊട്ടുണ്ട്. വട്ടമ്പലം സ്വകാര്യ ആശുപത്രിയിൽ പ്രവേശിപ്പിച്ചു.