കൊപ്പത്ത് അർധരാത്രി വാഹനാപകടം; കാർ നിയന്ത്രണം വിട്ട് ഇടിച്ച് ലോറി മറിഞ്ഞു

കൊപ്പം ∙ കാർ ലോറിയിൽ ഇടിച്ചു കാർ യാത്രികർക്ക് പരുക്ക്. കഴിഞ്ഞ ദിവസം രാത്രി കൊപ്പംപട്ടാമ്പി റോഡിൽ ആണ് അപകടം. പെരിന്തൽമണ്ണ ഭാഗത്ത് നിന്ന് പട്ടാമ്പി ഭാഗത്തേക്ക് പോയ മരം കയറ്റിയ ലോറിയിൽ എതിർ ദിശയിൽ നിന്ന് വന്ന കാർ നിയന്ത്രണം വിട്ടു ലോറിയില്‍ ഇടിക്കുകയായിരുന്നു. തുടർന്ന് ലോറി  മറിഞ്ഞു. പരുക്കേറ്റവരെ പെരിന്തൽമണ്ണയിലെ സ്വകാര്യ ആശുപത്രിയിൽ പ്രവേശിപ്പിച്ചു. സംഭവ സമയത്ത് ടൗണില്‍ ഉണ്ടായിരുന്ന തെരുവ് കച്ചവടക്കാരും യാത്രക്കാരും ചേര്‍ന്ന് ആണ് രക്ഷാ പ്രവര്‍ത്തനം നടത്തിയത്. അപകടത്തെ തുടര്‍ന്ന് പാതയില്‍ ഏറെ നേരം ഗതാഗതം തടസ്സപ്പെട്ടു.