ആദിവാസി സ്ത്രീയെ പീഡിപ്പിച്ച കേസിൽ പ്രതിയുടെ ജാമ്യാപേക്ഷ തള്ളി

മണ്ണാർക്കാട്∙ ആദിവാസി സ്ത്രീയെ പീഡിപ്പിച്ചെന്ന കേസിൽ റിമാൻഡിലായ പ്രതിയുടെ ജാമ്യാപേക്ഷ മണ്ണാർക്കാട് പട്ടികജാതി പട്ടിക വർഗ പ്രത്യേക കോടതി തള്ളി. റിമാൻഡിൽ കഴിയുന്ന സുജിത്താണ് (25) ജാമ്യാപേക്ഷ നൽകിയിരുന്നത്. കഴിഞ്ഞ 17ന് ബന്ധുവീട്ടിൽ വിരുന്നെത്തിയ സുജിത്ത് ആദിവാസി സ്ത്രീയെ കടന്നു പിടിച്ച് വലിച്ചിഴച്ച് കൊണ്ടുപോയി പീഡിപ്പിച്ചുവെന്നാണ് കേസ്. സ്ത്രീയുടെ കാലിൽ മുറിവേറ്റതായി പൊലീസ് പറഞ്ഞു. സംഭവം അറിഞ്ഞ് എത്തിയ പൊലീസ് സുജിത്തിനെ അറസ്റ്റ് ചെയ്തിരുന്നു. ജാമ്യം നൽകുന്നത് പബ്ലിക് പ്രോസിക്യൂട്ടർ പി.ജയൻ ശക്തമായി എതിർത്തു. തുടർന്നാണ് ജഡ്ജി കെ.എം.രതീഷ്കുമാർ ജാമ്യാപേക്ഷ തള്ളിയത്.