കുരുക്കിൽ കുടുങ്ങി പുള്ളിപ്പുലി ചത്തു
Mail This Article
×
ഊട്ടി∙ ഊട്ടിക്കു സമീപം മന്തട ഗ്രാമത്തിലെ തേയിലത്തോട്ടത്തിൽ വച്ചിരുന്ന കുരുക്കിൽ കുടുങ്ങി പുള്ളിപ്പുലി ചത്തു. ഇതിന് സമീപത്തു കലമാന്റെ ജഡം കുഴിച്ചിട്ടതും കണ്ടെത്തി. ഇതിനു കാരണക്കാരായവർക്കായി അന്വേഷണം തുടങ്ങിയെന്നും തോട്ടമുടമയെ ചോദ്യം ചെയ്തു വരികയാണെന്നും വനം അധികൃതർ അറിയിച്ചു. 7 വയസ്സുള്ള ആൺപുലിയാണ് ചത്തത്. കമ്പിക്കുരുക്ക് വയറിൽ കുരുങ്ങിയതാണ് കാരണമെന്ന് പോസ്റ്റ്മോർട്ടത്തിൽ വ്യക്തമായി. ഡിഎഫ്ഒ സച്ചിൻ ഭോസ്ലെ, എസിഎഫ് ശരവണകുമാർ എന്നിവരുടെ സാന്നിധ്യത്തിൽ മുതുമല കടുവസങ്കേതത്തിലെ ഡോക്ടർ രാജേഷ്കുമാർ, ഡോക്ടർ ഗണേഷ് തുടങ്ങിയവരാണ് പുലിയുടെ പോസ്റ്റ്മോർട്ടം നടത്തിയത്. ജഡം ദഹിപ്പിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.