ബാലികയെ കൊന്ന പുള്ളിപ്പുലിയെ കൂട് വച്ച് പിടിക്കാനുള്ള ശ്രമം തുടരുന്നു

ഊട്ടി∙ ഊട്ടിക്കു സമീപമുള്ള മൈനല അരക്കാടിൽ ബാലികയെ കൊന്ന പുള്ളിപ്പുലിയെ കൂടു വച്ച് പിടിക്കാനുള്ള ശ്രമം തുടരുന്നു. കഴിഞ്ഞ 10-ാം തീയതിയാണ് പുലിയുടെ ആക്രമണത്തിൽ അതിഥിത്തൊഴിലാളികളുടെ 4 വയസ്സുള്ള മകൾ മരിച്ചത്. തുടർന്ന് ഇവിടങ്ങളിൽ 4 ക്യാമറകൾ സ്ഥാപിച്ച് പുലിയെ നിരീക്ഷിച്ചുവരികയായിരുന്നു.  

കഴിഞ്ഞ 3 ദിവസങ്ങളിലായി  പുലിയുടെ സാന്നിധ്യം ക്യാമറയിൽ പതിവായി. ഇതിനെ തുടർന്ന് കൂടുകൾ സ്ഥാപിച്ച് അതിനെ പിടിക്കാനുള്ള ശ്രമം നടന്നു വരുന്നതായി വനം വകുപ്പുകാർ അറിയിച്ചു.  ഇതിനെ പിടിച്ച് മുതുമല കടുവ സങ്കേതത്തിൽ വിട്ടയയ്ക്കാനാണ് ഇവർ പദ്ധതി തയാറാക്കി വരുന്നത്.