ശുദ്ധജല ക്ഷാമത്തിനു കാരണം, പ്രകൃതിക്കു ദോഷം; അക്കേഷ്യ മരങ്ങളെ കാടുകടത്തുന്നു

ചിറ്റിലഞ്ചേരി ∙ പ്രകൃതിക്കു ദോഷമെന്നു കണ്ടെത്തിയ അക്കേഷ്യ മരങ്ങൾ വനത്തിൽ നിന്നു പുറത്തു കടത്താനുള്ള നടപടികൾക്കു വനംവകുപ്പ് തുടക്കം കുറിച്ചു. വീഴുമല താഴ്‌വരയിലെ ശുദ്ധജല ക്ഷാമത്തിനു കാരണം ഈ മരങ്ങളാണെന്ന കണ്ടെത്തലിന്റെ അടിസ്ഥാനത്തിലാണ് ഇവ നശിപ്പിക്കാൻ അധികൃതർ നടപടികൾ വേഗത്തിലാക്കിയത്. 

കൂടാതെ സ്വാഭാവിക വനവൽക്കരണത്തിനും ഈ മരങ്ങൾ തടസ്സമായിരുന്നു. ആലത്തൂർ റേഞ്ച് വടക്കഞ്ചേരി സെക്‌ഷനു കീഴിലെ വീഴുമല ബീറ്റു പരിധിയിൽ കോട്ടേക്കുളം കൈതോണ്ട, പൂങ്ങോട് ഭാഗത്തു ചെറുതും വലുതുമായി ഇരുന്നൂറ്റൻപതോളം അക്കേഷ്യ മരങ്ങളാണുള്ളത്. ഈ മരങ്ങളാണ് ഒരു മീറ്ററോളം ഉയരത്തിൽ തൊലി ചെത്തി വെള്ളം ശേഖരിക്കാനുള്ള കഴിവു നഷ്ടപ്പെടുത്തുന്നത്. നബാർഡിന്റെ സഹായത്തോടെയാണു പദ്ധതി.