ഡ്രൈവിങ് പരിശീലനത്തിനിടെ കാർ ജ്വല്ലറിയിലേക്ക് ഇടിച്ചുകയറി

നെന്മാറ∙ ഡ്രൈവിങ് പരിശീലനത്തിനിടെ കാർ ജ്വല്ലറിയിലേക്ക് ഇടിച്ചുകയറി. കടയിലുള്ളവർ ഓടിമാറിയതിനാൽ തലനാരിഴയ്ക്കു രക്ഷപ്പെട്ടു. സ്വകാര്യ ഡ്രൈവിങ് സ്കൂളിന്റെ കാറാണു നിയന്ത്രണംതെറ്റി നെന്മാറ മെയിൻ ‍റോഡിലുള്ള ജ്വല്ലറിയുടെ മുൻവശത്തെ ഗ്ലാസ് തകർത്ത് അകത്തുകയറി നിന്നത്.

ജ്വല്ലറിയുടെ മുന്നിലെ ഗ്ലാസിനോട് ചേർന്ന് കസേരയിൽ ഇരിക്കുകയായിരുന്ന ജീവനക്കാരൻ ദൂരത്തു നിന്നു കാർ പാഞ്ഞു വരുന്നത് കണ്ടത് രക്ഷയായി. ജ്വല്ലറിയുടെ മുൻവശത്തെ ഗ്ലാസ് പൂർണമായും തകർന്നു. കാറിനു കാര്യമായ കേടുപാടുകളില്ല. ഡ്രൈവർ പരുക്കേൽക്കാതെ രക്ഷപ്പെട്ടു.