പൈപ്പ് പൊട്ടി ശുദ്ധജലം പാഴാകുന്നു

ആലത്തൂർ∙ തരൂർ കോഴിക്കാട്ടിൽ ശുദ്ധജല പൈപ്പ് പൊട്ടി ശുദ്ധജലം പാഴാകുന്നതായി പരാതി. നെല്ലുകുത്താംകുളത്തിന് സമീപം പമ്പ് ഹൗസിനു മുന്നിലും പൈപ്പ് പൊട്ടിയിട്ടുണ്ട്. വേനൽ ആരംഭിച്ചതോടെ പലയിടത്തും ശുദ്ധജല ക്ഷാമം രൂക്ഷമാകുന്ന സമയത്താണ് പൈപ്പ് പൊട്ടി ശുദ്ധജലം പാഴാകുന്നത്. റോഡിനടിയിലൂടെ പോകുന്ന പൈപ്പാണ് പൊട്ടിയത്. പൈപ്പ് പൊട്ടിയ ഭാഗത്ത് ടാർ അടർന്ന് വലിയ കുഴിയായി മാറിയ നിലയിലാണ്. പാതയുടെ പകുതിയോളം ഭാഗം അടർന്ന് മാറിയതു മൂലം ഇരുചക്രവാഹനയാത്രക്കാർക്കും ദുരിതമായി മാറിയിട്ടുണ്ട്. പൈപ്പ് പൊട്ടിയത് നന്നാക്കണമെന്ന് നാട്ടുകാർ ആവശ്യപ്പെട്ടു.