മണ്ണാർക്കാട് തെരുവുനായ ആക്രമണത്തിൽ രണ്ടു കുട്ടികൾക്ക് പരുക്ക്

പാലക്കാട്∙ മണ്ണാർക്കാട് തെങ്കര പറശ്ശേരിയിൽ തെരുവുനായ ആക്രമണത്തിൽ രണ്ടു കുട്ടികൾക്ക് പരുക്കേറ്റു. പറശ്ശീരി ഹാരിസിന്റെ മകൾ ജസഫാത്തിമ (5), വെളുങ്ങോടൻ മുബശിറയുടെ മകൻ യാസിർ (6) എന്നിവർക്കാണ് പരുക്കേറ്റത്. കുട്ടികളെ താലൂക്ക് ആശുപത്രിയിലെ പ്രാഥമിക ചികിത്സയ്ക്കു ശേഷം ജില്ലാ ആശുപത്രിയിലേക്കു മാറ്റി. ചൊവ്വാഴ്ച വൈകിട്ട് കുട്ടികൾ വീടിനു സമീപം കളിച്ചുകൊണ്ടിരിക്കെയാണ് ആക്രമണമുണ്ടായത്.