കഞ്ചാവ് ചെടികൾ കണ്ടെത്തി നശിപ്പിച്ചു

അഗളി ∙ എക്സൈസ് റേഞ്ച് ഓഫിസും മുക്കാലി ഫോറസ്റ്റ് ഓഫിസും  ചേർന്ന് അട്ടപ്പാടി  പാടവയൽ മുരുഗള ഊരിൽ പക്കിമലയുടെ താഴെ നിന്ന് 436 കഞ്ചാവ് ചെടികൾ കണ്ടെത്തി  നശിപ്പിച്ചു.

നീർച്ചാലിന്റെ ഇരുകരകളിലുമായി 34 തടങ്ങളിലായി രണ്ടാഴ്ച മുതൽ 6 മാസം വരെ പ്രായമുള്ളവയാണു  കണ്ടെത്തിയത്. എട്ടു   ലക്ഷത്തോളം വില വരും.  റെയ്ഡിൽ എക്സൈസ് ഇൻസ്പെക്ടർ  അശ്വിൻ കുമാർ, അസിസ്റ്റന്റ് എക്സൈസ് ഇൻസ്പെക്ടർ പി.എസ്. സുമേഷ് എന്നിവരടങ്ങിയ സംഘമാണ് കഞ്ചാവ് കണ്ടെത്തിയത്.