എടത്തനാട്ടുകര വെള്ളിയാർ പുഴയിൽ ശുചിമുറി മാലിന്യം തള്ളി; നാട്ടിലെ മുഖ്യ ജലസ്രോതസ്

എടത്തനാട്ടുകര ∙ വെള്ളിയാർ പുഴയിൽ കാപ്പുപറമ്പ്, തുളക്കല്ല് കോസ്‌വേക്കു താഴെ കുളിക്കാനും മറ്റും ഉപയോഗിക്കുന്ന താൽക്കാലിക തടയണയിൽ ശുചിമുറി മാലന്യം തള്ളി. ബുധൻ രാവിലെയാണ് മാലിന്യം തള്ളിയത് നാട്ടുകാരുടെ ശ്രദ്ധയിൽ പെട്ടത്. നാട്ടിലെ മുഖ്യ ജലസ്രോതസ്സാണ് ഈ പുഴ. ശുദ്ധജല ക്ഷാമം ഏറെ നേരിടുന്ന പ്രദേശങ്ങളിൽ ഇതിനെ ആശ്രയിച്ച് ഒട്ടേറെ ശുദ്ധജല പദ്ധതികളും പ്രവർത്തിക്കുന്നുണ്ട്. താഴ് ഭാഗങ്ങളിലും വേനൽ കനത്തത്തോടെ താൽക്കാലിക തടയണകൾ കെട്ടിയിട്ടുണ്ട്. ഇതിലെയെല്ലാം വെള്ളത്തെ ബാധിക്കുന്ന നിലയിലാണ് വലിയ തോതിൽ മാലിന്യം തള്ളിയിട്ടുള്ളത്.