ആനക്കരയിൽ യുവാവിന് സൂര്യാതപമേറ്റു

കുമരനല്ലൂർ ∙ ആനക്കരയിൽ നിർമാണത്തൊഴിലാളിക്ക് സൂര്യാതപമേറ്റു. ആനക്കര ഡയറ്റിനു സമീപം താമസിക്കുന്ന കൊരട്ടിപ്പറമ്പിൽ വിനേഷിനാണ് (41) സുര്യാതപമേറ്റത്. ഇന്നലെ 12.30നാണു സംഭവം. ആനക്കര പഞ്ചായത്തിൽ നിന്ന് അനുവദിച്ച, ലൈഫ് പദ്ധതിയുടെ ഭാഗമായുള്ള വീടിന്റെ തറയുടെ നിർമാണ ജോലിക്കിടെ വിനേഷിനു ക്ഷീണം അനുഭവപ്പെടുകയും തുടർന്ന് പുറത്തും കഴുത്തിലും കുമിളകൾ പൊങ്ങി തൊലിഅടർന്നുപോവുകയുമായിരുന്നു. ഉടൻ ചികിത്സതേടി. മേഖലയിൽ ഏതാനും ദിവസമായി പകൽ ശക്തമായ ചൂടാണ്. രാത്രിയിൽ ചില ദിവസങ്ങളിൽ ചെറിയതോതിൽ മഴയും ഉണ്ട്.