പകർച്ചവ്യാധി പ്രതിരോധം; നാടെങ്ങും ശുചീകരണം

വെണ്ണിക്കുളം ∙ പകർച്ച വ്യാധികൾ തടയുന്നതിന് സർക്കാർ ആഹ്വാന പ്രകാരം നടത്തിയ ശുചീകരണ പ്രവർത്തനങ്ങളിൽ പത്തനംതിട്ട ജില്ലയിലെ വെണ്ണിക്കുളം BRC-യിലെ ഭിന്നശേഷി കുട്ടികളും പങ്കെടുത്തു.

തിരുവല്ല∙ പകർച്ച വ്യാധികൾ തടയുന്നതിന് സർക്കാർ ആഹ്വാന പ്രകാരം വിവിധ കേന്ദ്രങ്ങളിൽ ശുചീകരണ പ്രവർത്തനങ്ങൾ നടന്നു. ജന പ്രതിനിധികൾ, സന്നദ്ധ സംഘടന ഭാരവാഹികൾ, ആരോഗ്യ പ്രവർത്തകർ തുടങ്ങിയവർ നേതൃത്വം നൽകി.

തിരുവല്ല∙ നഗരസഭ ശുചിത്വ ദിനം ആചരിച്ചു .കൗൺസിൽ അംഗങ്ങളുടെയും ആരോഗ്യ വിഭാഗം ജീവനക്കാരുടെയും നേതൃത്വത്തിൽ തിരുവല്ല സ്റ്റേഡിയത്തിന് സമീപം ശുചീകരണ പ്രവർത്തനങ്ങൾക്ക് തുടക്കം കുറിച്ചു നഗരസഭാധ്യക്ഷൻ ആർ ജയകുമാർ ഉദ്ഘാടനം ചെയ്തു. ആരോഗ്യ സ്ഥിര സമിതി അധ്യക്ഷൻ സണ്ണി മനയ്ക്കൽ അധ്യക്ഷത വഹിച്ചു കൗൺസിൽ അംഗങ്ങളായ റീന ചാലക്കുഴി . ഷാജി തിരുവല്ല തുടങ്ങിയവർ നേതൃത്വം നൽകി നേതൃത്വം നൽകി. മണിപ്പുഴ മുതൽ പായിപ്പാട് വരെയും എസ്‍സി‍എസ് ജംക്‌ഷൻ മുതൽ മഞ്ഞാടി വരെയും റോ‍ഡുകൾ ശുചീകരിച്ചു.