ഒരു വിളിപ്പാടകലെ ഈ രക്ഷായാനമുണ്ട്....

കഴിഞ്ഞകാല പ്രളയത്തിന്റെ വിറയാർന്ന ഭീതി ഈ നാട്ടിൽ ഇപ്പോഴും ഓളമിളക്കുന്നു. അടിയന്തര സാഹചര്യം വന്നാൽ നേരിടാൻ വീടിനു വെളിയിൽ റോഡരികിൽ സ്വന്തം വള്ളം നാട്ടുകാർക്ക് കൂടി പ്രയോജനപ്പെടും വിധം അയിരൂർ കൈതക്കോടി പ്രണവിൽ പ്രദീപ് കയർ കെട്ടി സംരക്ഷിക്കുകയാണ്. നദി പിണങ്ങി ‘കര കയറുന്ന’ നേരം രക്ഷയുടെ തീരമണയാൻ ഇനി ആരും കാത്തിരിക്കേണ്ടെന്ന മുൻകാല അനുഭവമാണ് പ്രദീപിനെ ഇത്തരത്തിൽ വളളമിറക്കാൻ പ്രേരിപ്പിച്ചത്. അതിജീവനത്തിന് കരുതലിന്റെ വേറിട്ട കാഴ്ചയാകുന്നു ഇത്.