സഞ്ചാരികളെ ആകർഷിച്ച് അഞ്ചാനിൽ വെള്ളച്ചാട്ടം

ശാന്തിപുരം ∙ സഞ്ചാരികളെ ആകർഷിച്ച് അഞ്ചാനിൽ വെള്ളച്ചാട്ടം. എഴുപത് അടി ഉയരത്തിൽ നിന്ന് ശുദ്ധജലം താഴേക്ക് പതിക്കുന്ന കാഴ്ച. എഴുമറ്റൂർ പഞ്ചായത്തിലെ കാരമലയിൽ നിന്നും ഇതിന്റെ അടിവാരത്തു ഉത്ഭവിക്കുന്ന 18 ചെറുചാലുകൾ സംയോജിച്ചതാണ് ഈ വെള്ളച്ചാട്ടം.വർഷത്തിൽ ഏറിയാൽ 6 മാസം വരെ നീളും നീർച്ചാലുകളിലൂടെയുള്ള ഈ തെളിനീരിന്റെ പ്രവാഹം. അവിടെ നിന്ന് ഒഴുകിയെത്തി വാളക്കുഴിത്തോട്ടിൽ പതിക്കുന്ന ജലം ഒഴുകി കോമളത്ത് മണിമലയാറ്റിൽ പതിക്കുന്നു.നിരവധി യുവസംഘങ്ങളാണ് ഇവിടെ നീരാടാൻ എത്തുന്നത്. പായൽ മൂടിയ പാറക്കെട്ടുകളിലൂടെയുള്ള നടത്തം അപകട സാധ്യതയും വർധിപ്പിക്കുന്നു..