പത്തനംതിട്ട ജില്ലയിൽ ഇന്ന് (26-06-2022); അറിയാൻ, ഓർക്കാൻ
Mail This Article
സൗര സ്പോട്ട് റജിസ്ട്രേഷൻ
മണിപ്പുഴ ∙ സബ്സിഡി നിരക്കിൽ സൗരോർജം സ്ഥാപിക്കുന്നതിനായി കെഎസ്ഇബിയുടെ മണിപ്പുഴ ഇലക്ട്രിക്കൽ സബ് ഡിവിഷനിൽ നാളെയും കടപ്ര ഇലക്ട്രിക്കൽ സെക്ഷനിൽ 9നും മണിപ്പുഴ ഇലക്ട്രിക്കൽ സെക്ഷനിൽ 30നും രാവിലെ 10 മുതൽ 5 വരെ സൗര സ്പോട്ട് റജിസ്ട്രേഷൻ നടക്കും.
ഗതാഗതം നിരോധിച്ചു
തിരുവല്ല ∙ സബ് ട്രഷറിക്കു സമീപം ഉപജില്ലാ വിദ്യാഭ്യാസ ഓഫിസിനു മുൻവശം നിൽക്കുന്ന മരത്തിന്റെ ശിഖരം മുറിച്ചുമാറ്റുന്നതിനാൽ ഇന്ന് ഇതുവഴിയുള്ള ഗതാഗതം നിരോധിച്ചു. വാഹനങ്ങൾ അനുബന്ധ പാത സ്വീകരിക്കേണ്ടതാണ്.
കുരുമുളക് കൃഷി പരിശീലനം
തെള്ളിയൂർ ∙ ജില്ലാ കൃഷി വിജ്ഞാന കേന്ദ്രത്തിൽ കുരുമുളകു കൃഷി എന്ന വിഷയത്തിൽ 28നു 10ന് പരിശീലനം നടത്തുന്നു. 27ന് 3 മണിക്ക് മുൻപ് റജിസ്റ്റർ ചെയ്യണം. 94478 01351.
ഒഴിവുകൾ
നിരണം ∙ മുകളടി ഗവ. യുപി സ്കൂളിൽ പാർട്ട് ടൈം ജൂനിയർ ഹിന്ദിക്ക് ദിവസ വേതനാടിസ്ഥാനത്തിൽ ഒഴിവുണ്ട്. 28ന് 10.30ന് അസ്സൽ സർട്ടിഫിക്കറ്റുമായി എത്തണം.