പത്തനംതിട്ട ജില്ലയിൽ ഇന്ന് (19-08-2022); അറിയാൻ, ഓർക്കാൻ
Mail This Article
ഗെസ്റ്റ് ലക്ചറർ ജോലി ഒഴിവ്
കല്ലൂപ്പാറ ∙ ഐഎച്ച്ആർഡി എൻജിനീയറിങ് കോളജിൽ മെക്കാനിക്കൽ, സിവിൽ എൻജിനീയറിങ് വിഭാഗങ്ങളിലും ഇക്കണോമിക്സ് വിഭാഗത്തിലും ഗെസ്റ്റ് ലക്ചറർമാരുടെ ഒഴിവുണ്ട്. 25ന് 10ന് മെക്കാനിക്കൽ എൻജിനീയറിങ്ങിന്റെയും 11ന് സിവിൽ സിവിൽ എൻജിനീയറിങ്ങിന്റെയും 12ന് ഇക്കണോമിക്സിന്റെയും അഭിമുഖത്തിന് അസൽ സർട്ടിഫിക്കറ്റുകളുമായി കോളജിൽ എത്തണമെന്ന് പ്രിൻസിപ്പൽ അറിയിച്ചു. www.cek.ac.in. ഫോൺ: 0469-2678983.
അപേക്ഷ ക്ഷണിച്ചു
കോഴഞ്ചേരി ∙ പഞ്ചായത്ത് വാർഷിക പദ്ധതിയിലെ റോഡ് കണക്ടിവിറ്റി മാപ് പ്രൊജക്ടുമായി ബന്ധപ്പെട്ട് സിവിൽ എൻജിനീയറിങ് ഡിപ്ലോമ / ഐടിഐ യോഗ്യതയുള്ള ഉദ്യോഗാർഥികളിൽ നിന്ന് അപേക്ഷ ക്ഷണിക്കുന്നു. ദിവസ വേതനത്തിൽ പ്രൊജക്ട് കാലയളവിലേക്കാണു നിയമനം. പഞ്ചായത്ത് സിവിൽ എൻജിനീയറിങ് ഡിപ്ലോമ / ബിരുദധാരികളായ ഉദ്യോഗാർഥികൾക്ക് ഓവർസീയർ ട്രെയിനികളാകാനും അപേക്ഷിക്കാം. രണ്ട് വിഭാഗത്തിലുള്ളവരും 29 ന് മുൻപ് പഞ്ചായത്തിൽ അപേക്ഷ സമർപ്പിക്കണം.