വാൻ ഉപേക്ഷിച്ച നിലയിൽ; അപകടത്തിൽപെട്ടതോ അക്രമ സംഭവങ്ങൾക്ക് ഉപയോഗിച്ചതോ ആകാമെന്നു സംശയം

തിരുവല്ല ∙ കറ്റോട് വായനശാലയ്ക്കു മുൻവശം വാൻ ഉപേക്ഷിക്കപ്പെട്ട നിലയിൽ കിടക്കാൻ തുടങ്ങിയിട്ട് രണ്ടാഴ്ചയായി. നാട്ടുകാർ വിവരം  അറിയിച്ചതിനു പിന്നാലെ പൊലീസെത്തി  പരിശോധന നടത്തിയെങ്കിലും നടപടി എടുത്തില്ലെന്നു നാട്ടുകാർ പറഞ്ഞു. അപകടത്തിൽ പെട്ടതോ അക്രമ സംഭവങ്ങൾക്ക് ഉപയോഗിച്ചതോ ആയ വാഹനമാകാം എന്നാണു നാട്ടുകാർ പറയുന്നത്. എറണാകുളം റജിസ്ട്രേഷനിലുള്ളതാണു വാഹനം.