കോഴഞ്ചേരി സെന്റ് തോമസ് കോളജിൽ കെമിസ്ട്രി വിഭാഗം സ്മൃതിസംഗമം മൂന്നിന്
Mail This Article
കോഴഞ്ചേരി ∙ സെന്റ് തോമസ് കോളജ് കെമിസ്ട്രി വിഭാഗം മുൻ മേധാവി ഡോ. പി.വി. ബേബിക്കുട്ടിയെ ആദരിക്കാൻ യൂഹാനോൻ മാർത്തോമ്മാ ഹാളിൽ ഡിസംബർ മൂന്നിന് രാവിലെ 10 ന് സ്മൃതിസംഗമം നടത്തും. 1953 ൽ കോളജിനു തുടക്കമിടുന്നതു മുതൽ കെമിസ്ട്രി വിഭാഗത്തിലും പിന്നീട് 1989 ൽ വിരമിക്കുന്നതു വരെ മേധാവിയായും പ്രവർത്തിച്ച ഡോ. ബേബിക്കുട്ടിയുടെ 95–ാം പിറന്നാളും കെമിസ്ട്രി പൂർവ വിദ്യാർഥി സംഘടനയുടെ ആഭിമുഖ്യത്തിൽ ആഘോഷിക്കും.
കോളജ് മാനേജർ ഡോ. ഏബ്രഹാം മാർ പൗലോസ് ഉദ്ഘാടനം ചെയ്യും. പ്രധാനമന്ത്രിയുടെ പ്രിൻസിപ്പൽ സെക്രട്ടറിയായിരുന്ന ടി.കെ.എ. നായർ, ബെംഗളൂരു ഇസിസി മുൻ മേധാവി ഡോ. എം.ജെ. ജോസഫ്, ഏബ്രഹാം തോമസ്, പ്രിൻസിപ്പൽ ഡോ. കെ. റോയി ജോർജ് എന്നിവർ പ്രസംഗിക്കും. ബിഎസ്സി കെമിസ്ട്രി മുൻ വിദ്യാർഥികൾ ചേർന്നു രൂപീകരിച്ച ഡോ. പി. വി. ബേബിക്കുട്ടി എൻഡോവ്മെന്റ് മാനേജർക്കു കൈമാറും. വിവരങ്ങൾക്ക്: പ്രഫ. ഐസക് ഏബ്രഹാം 9495052576.