കോഴഞ്ചേരി ∙ അനാഥർക്ക് അന്നം നൽകാൻ കെയറിങ് ഹാൻഡ്സ് പദ്ധതിയുമായി കേരള ഹോട്ടൽ ആൻഡ് റസ്റ്ററന്റ് അസോസിയേഷൻ ജില്ലാ കമ്മിറ്റി. കോഴഞ്ചേരി മഹാത്മ ജനസേവന കേന്ദ്രത്തിൽ പത്തനംതിട്ട സ്പെഷൽ ബ്രാഞ്ച് ഡിവൈഎസ്പി ജി.സന്തോഷ് കുമാർ പദ്ധതി ഉദ്ഘാടനം ചെയ്തു.

അനാഥാലയങ്ങളിൽ കഴിയുന്നവർക്ക് ഭക്ഷണമെത്തിക്കുകയെന്നതാണ് പദ്ധതിയുടെ ലക്ഷ്യം. കെയറിങ് ഹാൻഡ്സ് ചാരിറ്റി ബോർഡ് ചെയർമാൻ റോയ് മാത്യൂസ് അധ്യക്ഷത വഹിച്ചു. അസോസിയേഷൻ ജില്ലാ സെക്രട്ടറി എ.വി.ജാഫർ, എൻ.നന്ദകുമാർ, ലിസി അനു, കെ.സജി, ബെഞ്ചമിൻ, സുനിത, രജനി, രവി, സണ്ണി എന്നിവർ പ്രസംഗിച്ചു.