ഏനാത്ത്∙ സമഗ്ര പേവിഷ നിർമാർജന പദ്ധതിയുടെ ഭാഗമായി ഏഴംകുളം പഞ്ചായത്തിൽ വളർത്തുനായകൾക്കും പൂച്ചകൾക്കുമുള്ള പ്രതിരോധ കുത്തിവയ്പ് തുടങ്ങി. പദ്ധതിയുടെ പഞ്ചായത്ത്തല ഉദ്ഘാടനം ക്ഷേമകാര്യ സ്ഥിരം സമിതി അധ്യക്ഷൻ എ.താജുദ്ദീൻ നിർവഹിച്ചു. പഞ്ചായത്തംഗം ബേബി ലീന അധ്യക്ഷത വഹിച്ചു. വെറ്ററിനറി സർജൻ ഡോ.എസ്.സായി പ്രസാദ്, അസിസ്റ്റൻറ് ഫീൽഡ് ഓഫിസർമാരായ എം.നൗഫൽ ഖാൻ, കെ.എസ്.ഉദയഭാനു, ലൈവ് സ്റ്റോക്ക് ഇൻസ്പെക്ടർമാരായ എസ്.സുരേഷ് ബാബു, എൻ.കെ അജിത് കുമാർ എന്നിവർ നേതൃത്വം നൽകി.