അടവി കുട്ടവഞ്ചി സവാരി കേന്ദ്രത്തിൽ പാമ്പുപിടിത്ത പരിശീലനം നടത്തി
Mail This Article
×
തണ്ണിത്തോട് ∙ അടവി കുട്ടവഞ്ചി സവാരി കേന്ദ്രത്തിൽ പാമ്പുപിടിത്ത പരിശീലനവും പാമ്പിനെ തിരിച്ചറിയാനുള്ള ക്ലാസും നടത്തി. അടവി ഇക്കോടൂറിസം തുഴച്ചിൽ ജീവനക്കാരും വിവിധ സ്റ്റേഷനുകളിൽ നിന്നുള്ള വനംവകുപ്പ് ജീവനക്കാരും അടക്കം 40 പേർക്കാണ് പരിശീലനം നൽകിയത്. ഫോറസ്റ്റ് അസിസ്റ്റന്റ് കൺസർവേറ്റർ വൈ.മുഹമ്മദ് അൻവറിന്റെ നേതൃത്വത്തിലുള്ള സംഘത്തിന്റെ നേതൃത്വത്തിൽ മൂർഖൻ, അണലി, ചുവർ പാമ്പ് എന്നിവയെ ശാസ്ത്രീയമായ നിലയിൽ പിടികൂടുന്നതിനുള്ള പരിശീലനം നൽകി. കോന്നി സ്ട്രൈക്കിങ് ഫോഴ്സ് ഫോറസ്റ്റർ ആർ.ദിൻഷ്, ഡപ്യൂട്ടി റേഞ്ച് ഓഫിസർ എം.നൗഷാദ്, മധുസൂദനൻ പിള്ള എന്നിവർ ക്ലാസ് നയിച്ചു. കോന്നി റേഞ്ച് ഓഫിസർ ടി.അജികുമാർ ഉദ്ഘാടനം ചെയ്തു. പരിശീലനത്തിലെ വിജയികൾക്ക് വനംവകുപ്പ് സർട്ടിഫിക്കറ്റ് നൽകുമെന്ന് അദ്ദേഹം പറഞ്ഞു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.