കടമ്പനാട് കവലയിൽ നായശല്യം രൂക്ഷമായി

കടമ്പനാട് ∙ കവലയിൽ തെരുവുനായ്ക്കളുടെ എണ്ണം പെരുകുന്നു. ചന്തയിലും ക്ഷേത്ര റോഡിലും തങ്ങുന്ന തെരുവുനായ്ക്കൾ കാൽനടയാത്രക്കാരെ ആക്രമിക്കുന്നതും പതിവായി. കഴിഞ്ഞ ദിവസം 8 പേർക്ക് തെരുവുനായയുടെ കടിയേറ്റു. ഇവർ വിവിധ ആശുപത്രികളിൽ ചികിത്സ തേടി. തദ്ദേശ സ്ഥാപനങ്ങളിലെ തെരുവുനായ നിയന്ത്രണ പദ്ധതികൾ താറുമാറായതോടെയാണ് തെരുവുനായ്ക്കളുടെ എണ്ണം പെരുകിയത്. ഒട്ടേറെ വിദ്യാഭ്യാസ സ്ഥാപനങ്ങൾ പ്രവർത്തിക്കുന്ന കവലയിൽ തെരുവുനായ നിയന്ത്രണത്തിന് നടപടി വേണമെന്ന ആവശ്യം ശക്തമാണ്.