ADVERTISEMENT

പന്തളം ∙ മുട്ടാർ, പാലത്തടം ഭാഗങ്ങളിലേക്കു നഗരസഭാ ബൈപാസ് റോഡിൽ നിന്നുള്ള എളുപ്പവഴിയായ ഉപറോഡിൽ മഴപെയ്താൽ വെള്ളക്കെട്ട് പതിവായി. കാൽനടയാത്രികരും ഇരുചക്രവാഹനയാത്രികരുമാണ് ഏറെ ബുദ്ധിമുട്ടുന്നത്. നഗരസഭയിലെ 26, 27, 28 വാർഡുകളെ പന്തളം ജംക്‌ഷനുമായി ബന്ധിപ്പിക്കുന്ന പ്രധാന ഉപറോഡുകളിലൊന്നാണിത്. ഈ മേഖലയിൽ നിന്നുള്ള വിദ്യാർഥികൾക്കും വഴിമുടങ്ങി. 

റോഡിന്റെ തുടക്കത്തിൽ പന്തളം സർവീസ് സഹകരണ ബാങ്കിനു മുൻപിലാണ് ചെളിവെള്ളം കെട്ടിനിൽക്കുന്നത്. മഴ ശക്തമായതോടെ വെള്ളക്കെട്ട് പതിവായി. ബാങ്കിനോട് ചേർന്നുള്ള താഴ്ന്ന സ്ഥലം അടുത്തയിടെ മണ്ണിട്ടുയർത്തി. ഈ സ്ഥലമിപ്പോൾ പാർക്കിങ് മൈതാനമായി ഉപയോഗിക്കുകയാണ്. 

ഇവിടെ മണ്ണിട്ടുയർത്തിയതിന് ശേഷമാണ് ഒഴുകിപ്പോകാൻ വഴിയില്ലാതെ വെള്ളം റോഡിൽ കെട്ടിനിൽക്കുന്നത്. റോഡ് ഉയർത്തി നിർമിക്കുകയോ വെള്ളമൊഴുകാനായി ഓട നിർമിക്കുകയോ വേണമെന്നാണ് ആവശ്യം. നഗരസഭ ഇതിനുള്ള നടപടി സ്വീകരിക്കണമെന്ന് പ്രദേശവാസികൾ ആവശ്യപ്പെടുന്നു.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com