ADVERTISEMENT
Skip ads. Subscribe now.

റാന്നി ∙ ശബരിമല തീർഥാടനത്തിനു മുന്നോടിയായി വ്യാജ മദ്യവേട്ട ശക്തമാക്കി എക്സൈസ്. 13 ലീറ്റർ ചാരായവും വാറ്റ് ഉപകരണങ്ങളുമായി വീട്ടമ്മയെ അറസ്റ്റ് ചെയ്തു. ചെറുകുളഞ്ഞി മറ്റക്കാട്ട് വീട്ടിൽ മറിയാമ്മ രാജുവാണ് (67) അറസ്റ്റിലായത്. റാന്നി എക്സൈസ് സർക്കിൾ ഓഫിസിലെ അസിസ്റ്റന്റ് എക്‌സൈസ് ഇൻസ്‌പെക്ടർ ഹുസൈൻ അഹമ്മദും സംഘവും ചേർന്നാണ് റെയ്ഡ് നടത്തിയത്. ഭർത്താവ് രാജുവും ചേർന്നാണ് ഇവർ വാറ്റു നടത്തിയതെന്ന് എക്സൈസ് അറിയിച്ചു.

ഉദ്യോഗസ്ഥരെ കണ്ട് രാജു കടന്നുകളഞ്ഞു. ഇയാളെ കണ്ടെത്താൻ തിരച്ചിൽ ശക്തമാക്കി. സിവിൽ എക്സൈസ് ഓഫിസർമാരായ നിതിൻ ശ്രീകുമാർ, പ്രദീപ്കുമാർ, വനിത സിവിൽ എക്സൈസ് ഓഫിസർ ജിജി ബാബു എന്നിവർ റെയ്ഡിൽ പങ്കെടുത്തു.ശബരിമല തീർഥാടന കാലത്ത് വ്യാജമദ്യ നിർമാണം തടയുന്നതിനായി സർക്കിൾ ഓഫിസ് കേന്ദ്രീകരിച്ച് എൻഫോഴ്സ്മെന്റ് ഷാഡോ വിഭാഗത്തെ നിയോഗിച്ചതായി സർക്കിൾ ഇൻസ്പെക്ടർ പി.എ.സഹദുല്ല അറിയിച്ചു.

English Summary:

In a preemptive move against spurious liquor production ahead of the Sabarimala pilgrimage season, Ranni Excise officials apprehended a woman possessing 13 liters of illicit liquor and distillation equipment. The operation underscores intensified efforts to curb the sale and distribution of dangerous alcohol during the pilgrimage.

TAGS

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com