ജനദ്രോഹ ബജറ്റിനെതിരെ ഭിക്ഷയെടുക്കൽ സമരം നടത്തി യൂത്ത് കോൺഗ്രസ്‌

തിരുവല്ല∙ നികുതി ഭാരം കൊണ്ട് ജനങ്ങളെ ദ്രോഹിക്കുന്ന, പൊള്ളയായ സംസ്ഥാന ബജറ്റിനെതിരെ, യൂത്ത് കോൺഗ്രസ്‌ തിരുവല്ല നിയോജകമണ്ഡലം കമ്മിറ്റിയുടെ നേതൃത്വത്തിൽ  നഗരത്തിൽ പിച്ച ചട്ടിയുമായി ഭിക്ഷാടന പ്രതിഷേധം നടത്തി.

ജില്ലാ വൈസ് പ്രസിഡന്റ് എം.കെ. കാഞ്ചന  ഉദ്ഘാടനം ചെയ്തു. നിയോജകമണ്ഡലം അഭിലാഷ് വെട്ടിക്കാടൻ അധ്യക്ഷത വഹിച്ചു. കോൺഗ്രസ്‌ ബ്ലോക്ക്‌ വൈസ് പ്രസിഡന്റ്‌ വിശാഖ് വെൺപാല, യൂത്ത് കോൺഗ്രസ്‌ ജില്ലാ ജനറൽ സെക്രട്ടറി ജിബിൻ കാലായിൽ, റിജോ വള്ളംകുളം, കെ എസ് യു നിയോജകമണ്ഡലം പ്രസിഡന്റ്‌ ടോണി ഇട്ടി, സേവാദൾ നിയോജകമണ്ഡലം പ്രസിഡന്റ്‌  ജോഫിൻ ജേക്കബ്, കോൺഗ്രസ്‌ ഭാരവാഹികൾ രാജൻ തോമസ്, ജോൺസൺ വെൺപാല, ജിജി പെരിങ്ങര യൂത്ത് കോൺഗ്രസ്‌ ഭാരവാഹികൾ ശ്രീജിത്ത്‌ തുളസിദാസ്, ഫിലിപ്പ് വർഗീസ്, ജെയ്സൺ പടിയറ, ബിപിൻ പി തോമസ്, എന്നിവർ പ്രസംഗിച്ചു.