ഉത്സവത്തിനിടെ വിരണ്ട ആന മറ്റൊന്നിനെ കുത്തി; വീണ കീഴ്​ശാന്തിമാർക്ക് പരുക്ക്

തിരുവല്ല ∙ ശ്രീവല്ലഭ ക്ഷേത്രത്തിലെ ഉത്സവ എഴുന്നള്ളത്തിനിടെ വിരണ്ട ആന ഒപ്പമുണ്ടായിരുന്ന മറ്റൊരു ആനയെ കുത്തി. 2 ആനകളുടെയും പുറത്തുനിന്ന് താഴെ വീണ കീഴ്ശാന്തിമാർക്ക് പരുക്ക്. ഇന്നലെ രാത്രി 8 മണിയോടെ എഴുന്നള്ളത്തിന് വന്ന വേണാട്ടുമറ്റം ഉണ്ണിക്കുട്ടൻ എന്ന ആനയാണ് വിരണ്ടത്. തുടർന്ന് തിരുവല്ല ദേവസ്വത്തിന്റെ ജയരാജൻ എന്ന ആനയെ കുത്തി. ജയരാജൻ പഴയ ഊട്ടുപുരയ്ക്കു സമീപത്തേക്കും ഉണ്ണിക്കുട്ടൻ ശാസ്താനടയ്ക്ക് അടുത്തേക്കും ഓടി. രണ്ട് ആനകളെയും 9 മണിയോടെ തളച്ചു.പരുക്കേറ്റ കീഴ്ശാന്തിമാരായ ശ്രീകുമാർ, അനൂപ് എന്നിവർ ചികിത്സയിലാണ്.