നന്നായി പഠിച്ചാൽ ജോലി ലഭിക്കാം ബെൻസ് കമ്പനിയിൽ
Mail This Article
×
തിരുവനന്തപുരം ∙ ബാർട്ടൺ ഹിൽ എൻജിനീയറിങ് കോളജിനു കിട്ടിയ മുക്കാൽ കോടിയുടെ ബെൻസ് കാറുപയോഗിച്ച് നന്നായി പഠിച്ചാൽ കുട്ടികൾക്ക് എത്താം ബെൻസ് കമ്പനിയിലേക്ക്. അഡ്വാൻസ്ഡ് ഡിപ്ലോമ ഇൻ ഓട്ടോമോട്ടീവ് മെക്കാട്രോണിക്‌സിലെ (എഡിഎഎം-ആഡം) വിദ്യാർഥികൾക്കായാണു മെഴ്സിഡീസ് ബെൻസിന്റെ ജിഎൽഇ മോഡൽ കമ്പനി സമ്മാനിച്ചത്. മുംബൈയിലെ പ്ലാന്റിൽ നിന്നെത്തിച്ച വാഹനത്തിന് അൽപം മാത്രമേ പഴക്കമുള്ളൂ. വിദ്യാർഥികൾക്ക് വാഹനം ഓടിച്ചും പൊളിച്ചും പഠിക്കാം. നല്ല പ്രകടനം കാഴ്ച വയ്ക്കുന്നവർക്ക് ബെൻസിന്റെ ഷോറൂമുകളിലോ പ്ലാന്റുകളിലോ ജോലി ലഭിക്കാം. നാൽപതോളം സെൻസറുകളുള്ള കാറിന്റെ പ്രവർത്തനം പൂർണമായി പഠിച്ചെടുക്കുക തന്നെ സങ്കീർണമാണ്. മുൻപ് ഇ,സി ക്ലാസ് വാഹനങ്ങളും കമ്പനി ബാർട്ടൺ ഹിൽ എൻജിനീയറിങ് കോളജിനു സംഭാവന ചെയ്തിട്ടുണ്ട്.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
