മതപരമായി തിരിക്കാൻ ശ്രമം: തുഷാർ വെള്ളാപ്പള്ളി
Mail This Article
തിരുവനന്തപുരം∙ സംസ്ഥാനത്തെ മതപരമായി വേർതിരിക്കാനുള്ള ശ്രമമാണു മന്ത്രിമാർ ഉൾപ്പെടെ നടത്തുന്നതെന്ന് എൻഡിഎ കൺവീനർ തുഷാർ വെള്ളാപ്പള്ളി. സ്വർണക്കടത്ത് കേസിൽ മന്ത്രി കെ.ടി.ജലീലിന്റെ രാജി ആവശ്യപ്പെട്ടു ദേശീയ ജനാധിപത്യ സഖ്യം നടത്തിയ സെക്രട്ടേറിയറ്റ് ധർണ ഉദ്ഘാടനം ചെയ്യുകയായിരുന്നു അദ്ദേഹം. സ്വജനപക്ഷപാതവും സ്വർണ്ണക്കടത്തുമുൾപ്പെടെ നിരവധി ആരോപണങ്ങളാണു പിണറായി സർക്കാരിനെതിരെ ഓരോ ദിവസവും ഉയർന്നു വരുന്നതെന്നും തുഷാർ ആരോപിച്ചു.
ബിജെപി സംസ്ഥാന സെക്രട്ടറി സി.ശിവൻകുട്ടി അധ്യക്ഷത വഹിച്ചു. സംസ്ഥാന സെക്രട്ടറിമാരായ കരമന ജയൻ, എസ്.സുരേഷ്, ജില്ലാ ജനറൽ സെക്രട്ടറി വെങ്ങാനൂർ സതീഷ്, ബിഡിജെഎസ് സംസ്ഥാന ജനറൽ സെക്രട്ടറി കെ.പത്മകുമാർ, ജില്ലാ പ്രസിഡന്റ് എസ്.ആർ.എം. അജി, ശിവസേന രാഷ്ട്രീയ കാര്യസമിതി ചെയർമാൻ പെരിങ്ങമല അജി, സോഷ്യലിസ്റ്റ് ജനതാദൾ സംസ്ഥാന ജനറൽ സെക്രട്ടറി ഇ.വി.ഫിലിപ്പ് തുടങ്ങിയവർ പ്രസംഗിച്ചു.