കോവിഡ് മാനദണ്ഡങ്ങൾ കാറ്റിൽപറത്തി പ്രചാരണം

പാലോട്∙ തിരഞ്ഞെടുപ്പ് പ്രചാരണത്തിന്റെ ആവേശത്തിനുമേൽ കോവിഡ് മാനദണ്ഡങ്ങൾ കാറ്റിൽ പറത്തുന്നതായി പരാതി. ഭവന സന്ദർശനത്തിൽ സ്ഥാനാർഥി അടക്കമുള്ള പലരും മാസ്ക് ധരിക്കുന്നില്ല. സാമൂഹിക അകലം പാലിക്കാതെ വലിയ കൂട്ടമായാണു സന്ദർശനം പ്രവർത്തനങ്ങൾ.

കൈമാറുന്ന ലഘുലേഖകൾ സാനിറ്റൈസർ ചെയ്തു നൽകണമെന്നാണ് പറയുന്നതെങ്കിലും അതും നടക്കുന്നില്ല.  പ്രചാരണം ശക്തമായതോടെ ഹസ്തദാനവും ആലിംഗനവും കാൽ തൊട്ടു വന്ദിക്കലും ഒക്കെ തന്ത്രങ്ങളായി മാറി.  പ്രചാരണ രംഗത്ത് പൊതു സ്ഥലത്തും റോഡിനു കുറുകെയും ബോർഡുകളും കൊടി തോരണങ്ങളും വച്ചു നിയമ ലംഘനവും കുറവല്ല. ഇതൊന്നും നിരീക്ഷിക്കാൻ നാഥനില്ലാത്ത അവസ്ഥയാണ്.