ഇതാണ് ശരിക്കും‘ലോട്ടറി’: കളയാൻ തുടങ്ങിയ ടിക്കറ്റിന് 80 ലക്ഷം, ഒപ്പം എടുത്ത ഒൻപതു ലോട്ടറി ടിക്കറ്റിനും സമ്മാനം

trivandrum-sirajudeen
സിറാജുദീൻ കുടുംബാംഗങ്ങൾക്ക് ഒപ്പം.
SHARE

വിഴിഞ്ഞം ∙ സമ്മാനമൊന്നും ഇല്ലെന്നു വിചാരിച്ചു കളയാൻ തുടങ്ങിയ ലോട്ടറി ടിക്കറ്റിന് ഒന്നാം സമ്മാനം . പോരാത്തതിന്, ഒപ്പം എടുത്ത ഒൻപതു ലോട്ടറി ടിക്കറ്റിനും സമ്മാനമുണ്ടെന്ന് അറിഞ്ഞതോടെ അടിച്ചത് ശരിക്കും ‘ലോട്ടറി’. കാരുണ്യ ലോട്ടറിയുടെ ശനിയാഴ്ചത്തെ നറുക്കെടുപ്പിൽ വിഴിഞ്ഞം നിവാസിയായ സിറാജുദ്ദീനാണ് ഭാഗ്യങ്ങളുടെ പരമ്പര. ഒന്നാം സമ്മാനമായ 80 ലക്ഷത്തിനു പുറമെ ഒപ്പം എടുത്ത ബാക്കി 9 ടിക്കറ്റിനും 8000 രൂപ വീതം ലഭിച്ചത് സിറാജിന്റെ ആഹ്ളാദം ഇരട്ടിയാക്കി. വിഴിഞ്ഞം പുല്ലൂർക്കോണം പ്ലാമൂട്ടുവിള വീട്ടിൽ സിറാജുദ്ദീനിന് ലോട്ടറി ടിക്കറ്റ് എടുക്കൽ ഒരു ഹരമാണ്.

കഴിഞ്ഞ 20 ലേറെ വർഷമായി ഇതു തുടരുന്നു. കഴിഞ്ഞ ദിവസത്തെ ഫലം വന്നപ്പോഴും 5000 രൂപ വരെയുള്ള സമ്മാനത്തിൽ മാത്രമേ സിറാജുദീൻ  തിരഞ്ഞുള്ളൂ. സമ്മാനം ഇല്ലെന്നു കണ്ട് ടിക്കറ്റ് ഉപേക്ഷിക്കാൻ ഒരുങ്ങവേ ആണ് താൻ ടിക്കറ്റ് വാങ്ങിയ വനിത ഓടി എത്തി സിറാജുദീനിന് വിറ്റ ടിക്കറ്റിനാണ് ഒന്നാം സമ്മാനം എന്നു പറയുന്നത്. ബാലരാമപുരത്തെ  ഹോട്ടലിലെ തൊഴിലാളിയാണ് . സ്വന്തമായി വീട് ഇല്ലാത്ത സിറാജുദീനും ഭാര്യ സീനത്തും ബന്ധുവീട്ടിലാണ് കഴിയുന്നത്. വീടും സ്ഥലവും വാങ്ങണം എന്നതാണ് ആദ്യ ആഗ്രഹം. ഷഹീറ, ഷഹീർ, ഷെബീദ എന്നിവരാണ് മക്കൾ.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN Thiruvananthapuram
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA