ഒരേ സ്കൂൾ,ഒരേ വിഷയം: അധ്യാപക ദമ്പതിമാർക്ക് ഒരേദിനം വിരമിക്കലും
Mail This Article
×
പാലോട്∙ ഒരേ വിദ്യാലയത്തിൽ ഒരേ വിഷയത്തിൽ അറിവിന്റെ വെളിച്ചം പകർന്നു നൽകിയ അധ്യാപക ദമ്പതികൾ ഒരേ ദിവസം സർവീസിൽ നിന്ന് പടിയിറങ്ങുന്നു. പാലോട് പെരിങ്ങമ്മല ഇക്ബാൽ ഹയർ സെക്കൻഡറി സ്കൂളിലെ പൊളിറ്റിക്കൽ സയൻസ് അധ്യാപകരായ തിരുവനന്തപുരം മണക്കാട് ശ്രീനഗർ ടിസി 41/1561ൽ എസ്. ഷാജഹാൻ ഭാര്യ എം.ജെ. സുൽഫി എന്നിവരാണ് 31ന് വിരമിക്കുന്നത്.
സ്കൂളിലെ അർബുദ ബാധിതയായ വിദ്യാർഥിനിക്ക് മജ്ജ മാറ്റി വയ്ക്കാൻ മനോരമ നല്ലപാഠവുമായി ചേർന്നു 15ലക്ഷം രൂപ സമാഹരിച്ച സംഘത്തിന്റെ മുന്നിൽ പ്രവർത്തിച്ചത് ഷാജഹാനായിരുന്നു. അതേ വർഷം നല്ലപാഠത്തിനു ജില്ലയിൽ രണ്ടാം സ്ഥാനവും സ്കൂളിനു ലഭിച്ചു. ബാലജനസഖ്യം പാലോട് യൂണിയന്റെ മുൻ രക്ഷാധികാരിയാണ് ഷാജഹാൻ.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.