വൈദ്യുതി നിരക്ക് വർധിപ്പിക്കാനുള്ള നീക്കം ഉപേക്ഷിക്കണം: രമേശ്

തിരുവനന്തപുരം∙ വൈദ്യുതി നിരക്ക് വർധിപ്പിക്കാനുള്ള നീക്കം സർക്കാർ ഉപേക്ഷിക്കണമെന്ന് മുൻ പ്രതിപക്ഷ നേതാവ് രമേശ് ചെന്നിത്തല ആവശ്യപ്പെട്ടു. വൈദ്യുതിമേഖല സ്വകാര്യവൽക്കാനുള്ള കേന്ദ്ര സർക്കാർ നയം ചെറുക്കണമെന്നും അദ്ദേഹം പറഞ്ഞു. കേരള പവർ ബോർഡ് ഓഫിസേഴ്സ് ഫെഡറേഷൻ സംസ്ഥാന പ്രതിനിധി സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. 

സർവീസിൽ നിന്നു വിരമിച്ചവരെ ഡിസിസി പ്രസിഡന്റ് പാലോട് രവി ആദരിച്ചു. ഫെഡറേഷൻ സംസ്ഥാന പ്രസിഡന്റ് എസ് മോഹനൻ അധ്യക്ഷത വഹിച്ചു.  ജനറൽ  സെക്രട്ടറി ബിജു പ്രകാശ്, സംസ്ഥാന ഭാരവാഹികളായ  സിലിയ തെരേസ, അശോക്  ഷെർലേർക്കർ, ജോഫി പി. ജോയ്, വി.വി. പ്രദിപ്, എൽ. മഞ്ജു, സീന ജോർജ്, അരുൺ ജ്യോതി, കെ.എ. ധനേഷ്, ടിറ്റോ വില്യം, ബി. ശ്രീകുമാർ, ഉമ്മൻ വർഗീസ്, ടി.എ. തോമസുകുട്ടി, ജി. അജിത്ത്, ജെഫോ ജോർജ്, കെ.ഡി. മനോജ് എന്നിവർ പ്രസംഗിച്ചു.