തിരുവനന്തപുരം ജില്ലയിൽ ഇന്ന് (4-7-2022); അറിയാൻ, ഓർക്കാൻ
Mail This Article
സീറ്റ് ഒഴിവ്
പേയാട് ∙ വിട്ടിയം കാർമൽ സ്കൂളിൽ പ്ലസ് വണ്ണിലേക്ക് ഹ്യൂമാനിറ്റീസ്, കൊമേഴ്സ് വിഭാഗങ്ങളിലേക്ക് ഏതാനും സീറ്റുകൾ ഒഴിവുണ്ട്. ഫോൺ–8547557389.
ആടുകളുടെ ലേലം
കഴക്കൂട്ടം∙തിരുവനന്തപുരം ജില്ലാ പഞ്ചായത്ത് കീഴിനുള്ള കഴക്കൂട്ടം തെങ്ങിൻതൈ ഉൽപാദന കേന്ദ്രത്തിലെ ആടുകളുടെ ലേലം വ്യാഴം രാവിലെ 11ന് നടക്കും. ലേലത്തിൽ പങ്കെടുക്കാൻ താൽപര്യമുള്ളവർ അന്ന് രാവിലെ 10.30ന് മുൻപായി 1000 രൂപ അടച്ച് റജിസ്റ്റർ ചെയ്യണം. ഫോൺ: 9744563299
ലൈഫ് കരട് ലിസ്റ്റ്: അപ്പീൽ നൽകാം
വർക്കല∙ ലൈഫ് 2020 ഒന്നാം ഘട്ടം അപ്പീലിനു ശേഷമുള്ള കരട് ഗുണഭോക്തൃ ലിസ്റ്റ് പ്രസിദ്ധീകരിച്ചു. ലിസ്റ്റ് സംബന്ധിച്ച ആക്ഷേപവും അപ്പീലും ഓൺലൈനായും നേരിട്ടു തിരുവനന്തപുരം കലക്ടറേറ്റ് ഓഫിസ് വഴിയും 8–ാം തീയതി വരെ നൽകാം.
അധ്യാപക ഒഴിവ്
കിളിമാനൂർ∙ ആർആർവി ബോയ്സ് വി എച്ച്എസ്എസിൽ ബയോളജി, ഫിസിക്സ്, ഇംഗ്ലിഷ് എന്നിവയ്ക്ക് അധ്യാപകരുടെ താൽക്കാലിക ഒഴിവുണ്ട്. അഭിമുഖം 5ന് രാവിലെ 10 മണിക്ക്,
പോത്തൻകോട് ∙ അയിരൂപ്പാറ ഗവ.ഹയർസെക്കൻഡറി സ്കൂളിൽ എച്ച്എസ്എസ്ടി ജൂനിയർ ( ഗണിതം, ഇംഗ്ലിഷ് ) അധ്യാപകരുടെ താൽക്കാലിക ഒഴിവുകളിലേക്ക് 6ന് രാവിലെ 10മണിക്ക് അഭിമുഖം നടത്തും.
പോത്തൻകോട് ∙ തോന്നയ്ക്കൽ ഗവ: ഹയർസെക്കൻഡറി സ്കൂളിൽ ഹൈസ്കൂൾ വിഭാഗത്തിൽ ഗണിതത്തിന് താൽക്കാലിക അധ്യാപക ഒഴിവിലേക്ക് നാളെ രാവിലെ 10 ന് അഭിമുഖം നടത്തും.
കിളിമാനൂർ∙ കിളിമാനൂർ ഗവ.എച്ച്എസ്എസിൽ ഹയർ സെക്കൻഡറി വിഭാഗത്തിൽ ബോട്ടണി, ഹിസ്റ്ററി, ഹൈസ്കൂൾ വിഭാഗത്തിൽ ഹിന്ദി, ഫിസിക്കൽ എജ്യുക്കേഷൻ എന്നിവയ്ക്ക് അധ്യാപകരുടെ താൽക്കാലിക ഒഴിവുണ്ട്.