പെട്രോൾ പമ്പ് ജീവനക്കാരനു മർദനം

trivandrum-worker-beating
വർക്കല പുന്നമൂട് റോഡിലെ പെട്രോൾ പമ്പിൽ ഇന്ധനം നിറയ്ക്കാനെത്തിയ അക്രമി സംഘത്തിലെ ഒരാൾ, ജീവനക്കാരനെ കസേര ഉപയോഗിച്ചു ആക്രമിക്കുന്ന ദൃശ്യം
SHARE

വർക്കല∙ പെട്രോൾ പമ്പ് ജീവനക്കാരനെ ഓട്ടോയിൽ മദ്യപിച്ചെത്തിയ സംഘം മർദിച്ചതായി പരാതി. വർക്കല–പുന്നമൂട് റോഡിലെ മറിയം ഫ്യൂവൽസ് ജീവനക്കാരനായ വെട്ടൂർ കുഴിക്കാത്തിവിളാകത്തു വീട്ടിൽ സുരേഷ് കുമാറി (55) നെയാണ് കഴിഞ്ഞദിവസം രാത്രി പത്തരയോടെ  ഓട്ടോയിലെത്തിയ സംഘം മർദിച്ചത്. ഇവർ 70 രൂപയ്ക്കു പെട്രോൾ അടിക്കാൻ ആവശ്യപ്പെടുകയും സംഘത്തിലുള്ള ഒരാൾ അകാരണമായി അസഭ്യം പറയുകയും സുരേഷിന്റെ കവിളിൽ കുത്തുകയും ചെയ്തു.

അക്രമികൾ മദ്യപിച്ചിരുന്നതിനാൽ മാറിനിന്ന സുരേഷിന്റെ മുഖത്ത് വീണ്ടും അടിക്കുകയും നിലത്തുവീണ സുരേഷിനെ കസേര കൊണ്ടു ആക്രമിക്കുകയായിരുന്നു. തലയ്ക്കു പരുക്കേറ്റ സുരേഷ് താലൂക്ക് ആശുപത്രിയിൽ ചികിത്സ തേടി. സിസിടിവി ദൃശ്യങ്ങളും മറ്റു ജീവനക്കാർ നൽകിയ വിവരവും അനുസരിച്ച് സംഘമെത്തിയ ഓട്ടോയുടെ നമ്പർ കേന്ദ്രീകരിച്ചു പൊലീസ് അന്വേഷണം തുടങ്ങി.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

ഇതിലും ചെലവുകുറഞ്ഞ വീടില്ല! | Hometour | Lowcost Home

MORE VIDEOS