വീരകേരളപുരം ക്ഷേത്രത്തിൽ സ്റ്റേജ് സമർപ്പണം ഇന്ന്

ആറ്റിങ്ങൽ ∙ തോട്ടക്കാട് ശ്രീലക്ഷ്മി മെമ്മോറിയിൽ ചാരിറ്റബിൾ ട്രസ്റ്റ് വീരകേരളപുരം ശ്രീകൃഷ്ണ സ്വാമി ക്ഷേത്രത്തിൽ നിർമിച്ചു നൽകിയ സ്റ്റേജിന്റെയും ശ്രീപാദം ട്രസ്റ്റ് നവീകരിച്ചു നൽകിയ ഓഡിറ്റോറിയത്തിന്റെയും ഉദ്ഘാടനവും ഇന്ന് 10 നു മിസോറം മുൻ ഗവർണർ കുമ്മനം രാജശേഖരൻ നിർവഹിക്കും . അമൃതാനന്ദമയി മഠത്തിലെ മഠാധിപതി സ്വാമി ശിവാമൃതാനന്ദജി സ്റ്റേജ് സമർപ്പണവും അനുഗ്രഹ പ്രഭാഷണവും നടത്തും.

ശ്രീപാദം ട്രസ്റ്റ് പ്രസിഡന്റ് തോട്ടക്കാട് ശശി അധ്യക്ഷത വഹിക്കും. ട്രസ്റ്റ് സെക്രട്ടറി വി സി അഖിലേഷ് , വൈസ് പ്രസിഡന്റ് വിജയമോഹനൻ നായർ, , ദ്വാരക മോഹനൻ, പ്രസന്നകുമാർ, ചന്ദ്രമോഹനൻ എന്നിവർ പങ്കെടുക്കും. ഉദ്ഘാടനത്തിന് ശേഷം അന്നദാനവും രാത്രി 7 ന് നൃത്ത സന്ധ്യയും നടക്കും. 18 ന് രാവിലെ 8.30 മുതൽ ലക്ഷാർച്ചന, 10 മുതൽ കഞ്ഞിസദ്യ, 3 ന് ഉറിയടി, 6ന് ശോഭയാത്രകളുടെ സമാപനം , 7ന് കലാപരിപാടികൾ എന്നിവയും നടക്കും