ഹെറിറ്റേജ് വോക്ക് മന്ത്രി ജി.ആർ.അനിൽ ഉദ്ഘാടനം ചെയ്യും

തിരുവനന്തപുരം ∙ തണൽക്കൂട്ടം സൊസൈറ്റി ഫോർ കൾചറൽ ഹെറിറ്റേജിസ്റ്റർ ഹെറിറ്റേജ് വോക്ക് 31ന് വൈകിട്ട് 5ന് തിരുവനന്തപുരം ശ്രീകണ്ഠേശ്വരം ശബ്ദതാരാവലി പാർക്കിൽ മന്ത്രി ജി.ആർ.അനിൽ ഉദ്ഘാടനം ചെയ്യും. മാർഗി, വേട്ടയ്ക്കൊരു മകൻ ക്ഷേത്രം, സുന്ദരവിലാസം കൊട്ടാരം, ലളിത് മഹാൽ, കാഞ്ചീപുരം മഠം, മിത്രാനന്ദപുരം, പടിഞ്ഞാറേ കോട്ട, ആറാട്ടു റോഡ്, എന്നിവിടങ്ങളിലൂടെ തഞ്ചാവൂർ അമ്മ വീട്ടിൽ സമാപിക്കും. ചരിത്രകാരൻ ഡോ.എം.ജി.ശശിഭൂഷൺ യാത്ര നയിക്കും. ചരിത്രകാരൻ പ്രതാപൻ കിഴക്കേമഠം പങ്കെടുക്കും.

പൈതൃക കേന്ദ്രങ്ങളുടെ ചരിത്രം, പ്രാധാന്യം എന്നിവ പരിചയപ്പെടുത്തുന്നതാണ് ഹെറിറ്റേജ് വോക്ക്. പങ്കെടുക്കുന്നവർ വൈകിട്ട് 4.30ന് ശ്രീകണ്ഠേശ്വരം ശബ്ദതാരാവലി പാർക്കിൽ എത്തണമെന്ന് തണൽക്കൂട്ടം പ്രസിഡന്റ് വഞ്ചിയൂർ രാധാകൃഷ്ണൻ അറിയിച്ചു.