സ്ത്രീകളെ കയ്യേറ്റം ചെയ്ത ശേഷം മുങ്ങി; പിടികിട്ടാപ്പുള്ളി അറസ്റ്റിൽ
Mail This Article
×
വിതുര∙ മക്കി സ്വദേശിനികളായ സ്ത്രീകളെ കയ്യേറ്റം ചെയ്ത കേസിൽ പ്രതിയായ ശേഷം ഒളിവിൽ പോയതിനെ തുടർന്നു കോടതി പിടികിട്ടാപ്പുള്ളിയായി പ്രഖ്യാപിച്ച മരുതാമല മക്കി വട്ടക്കുഴി മുകളിൽ തടത്തരികത്തു വീട്ടിൽ അജയൻ(കൊച്ചു കുട്ടൻ– 38) അറസ്റ്റിൽ. ഒട്ടേറെ കേസുകളിൽ പ്രതിയായ ഇയാളെ 2020 ൽ ആണു പിടികിട്ടാപ്പുള്ളിയായി പ്രഖ്യാപിച്ചത്.
സൈബർ സെല്ലിന്റെ സഹായത്തോടെ നടത്തിയ അന്വേഷണത്തിൽ മലയിൻകീഴ് ശാന്തംമൂലയിൽ ഇയാൾ താമസിച്ചു വരികയാണെന്നു വിവരം ലഭിച്ചിരുന്നു. വിതുര ഇൻസ്പെക്ടർ അജയ കുമാറിന്റെ നേതൃത്വത്തിലുള്ള സംഘമാണു പ്രതിയെ പിടികൂടിയത്. മുൻപു പത്തനംതിട്ട ഭാഗത്തും താമസിച്ചിരുന്നു. അന്നു പൊലീസ് പിടിയിലാകും മുൻപ് മുങ്ങി. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.