മെഴുകുതിരിയിൽ നിന്ന് തീപടർന്ന് വയോധികനു സാരമായി പൊള്ളലേറ്റു; വീടിനും ഏറെ നാശം
Mail This Article
×
കഴക്കൂട്ടം∙ മുറിക്കുള്ളിൽ തീ പിടിച്ച് വയോധികനു ഗുരുതരമായി പൊള്ളലേറ്റു. കാര്യവട്ടം പിണക്കോട്ടുകോണം രാജേഷ് ഭവനിൽ സോമന്(71) ആണു പൊള്ളലേറ്റത്. 60 ശതമാനത്തിലേറെ പൊള്ളലേറ്റ സോമൻ മെഡിക്കൽ കോളജ് ആശുപത്രിയിലെ തീവ്ര പരിചരണ വിഭാഗത്തിൽ ആണ്. രണ്ടു ദിവസമായി വൈദ്യുതി ഇല്ലാത്തതിനാൽ സോമൻ മെഴുകുതിരി കത്തിച്ചു വച്ചാണ് ഉറങ്ങാൻ കിടന്നത്.
ഇന്നലെ പുലർച്ചെ ഒരു മണിയോടെ സോമൻ കിടന്ന മുറിയുടെ ജനാല കത്തി ഒരു ഭാഗം അടുത്ത മുറിയിൽ ഉറങ്ങുകയായിരുന്ന ഭാര്യ അമ്പിളിയുടെ ദേഹത്തു വീണപ്പോഴാണ് വിവരം അറിയുന്നത്. തുടർന്ന് മക്കളും അയൽക്കാരും എത്തി സോമനെ രക്ഷപ്പെടുത്തി. കഴക്കൂട്ടത്തു നിന്നു അഗ്നിശമന സേനാംഗങ്ങൾ എത്തി തീ കെടുത്തുമ്പോൾ വീടിന്റെ രണ്ടു മുറികൾ പൂർണമായി കത്തി നശിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.